Mikel Arteta Oo Si Rasmi Ah u Shaaciyey Liiska Xiddigaha Uu Ku Waajahayo Man City

Arsenal ayaa garoonkeeda Emirates Stadium kusoo dhoweyn doonta Manchester City kulan adag oo laga doonayo inay guuleystaan si ay ugu sii negaadaan hoggaanka horyaalka Premier League amaba ugu yaraan barbarro keenaan.Gunners ayaa haddii laga badiyo lumin doonta hoggaanka horyaalka Premier League ee ay muddada dheer sii haysa, kaddib shan dhibcood oo ay ku lumiyeen labadii ciyaarood ee ugu dambeeyey ee Brentford oo barbarro 1-1 ah ku qabatay Axaddii iyo Everton oo toddobaadkii hore 1-0 kaga badisay.Kooxda reer London ayaa hogganka Premier League soo haysay tan iyo badhtamaha bishii August ee horraantii xilli ciyaareedkan, balse hadda waxay saddex dhibcood oo kaliya ka horreysaa Man City oo Axaddii 3-1 kusoo xasuuqday Aston Villa, maalin kaddib markii ay Arsenal dhibcaha ku lumisay Emirates Stadium.

Mikel Arteta ayaa la sheegay inuu isbeddel ku samayn doono shaxdiisa oo uu kaydka u diri doono garabka weerarka Brazil ee Gabriel Martinelli oo kusoo bilowday 21 ciyaarood oo xidhiidh ah oo horyaalka Premier League ah, laakiin labadii kulan ee u dambeeyey aad u liitay.

Leandro Trossard ayaa heli doona fursaddiisii koowaad ee uu ugu soo bilowdo kooxdiisa kaddib markii uu dhaliyey goolka dhibicda u badbaadiyey ciyaartii Brentford.

Inkasta oo waqti dambe uu Arteta shaacin doono go’aanka xulashadiisa, haddana wargeyska London Football ayaa sii sheegay, in la fadhiisanayo Gabriel Martinelli oo uu beddel ku iman doono.

Liiska ciyaartoyda Arsenal ee kulanka Manchester City oo lasoo saaray, ayaanay kusoo kordhin ciyaartoydii dhaawaca ahayd ee Gabriel Jesus, Smith Rowe, Reiss Nelson iyo Mohamed Elneny oo dhamaantood maqaneyaal ah, hase yeeshee saxeexyadii cusbaa ee Jorginho, Jakub Kiwior iyo Leandro Trossard ayaa xoojinya safka Gunners.

Halkan kaga bogo liiska ciyaartoyda Arsenal ee kulanka Man City ee caawa

Goolhayeyaal: Aaron Ramsdale, Matt Turner, Karl Hein.

Difaacyahanno: Ben White, Gabriel Magalhaes, Rob Holding, William Saliba, Kieran Tierney, Oleksandr Zinchenko, Takehiro Tomiyasu, Lino Sousa, Jakub Kiwior.

Khadka Dhexe: Granit Xhaka, Thomas Partey, Jorginho, Martin Odegaard, Fabio Vieira, Matt Smith, Amario Cozier-Duberry, Ethan Nwaneri.

Weeraryahanno: Bukayo Saka, Gabriel Martinelli, Eddie Nketiah, Leandro Trossard, Reiss Nelson.