HORDHAC: Man United v Crystal Palace- ee Horyaalka Premier league-ga, Wararka Labada Koox iyo shaxda Macquulka

Manchester United ayaa maanta la ballansan kooxda ree London ee Crystal Palace oo laba toddobaad kahor saddex dhibcood oo ay ku tashadeen ka barbareeyay daqiiqadihii ugu dambeeyay ee kulanka.Red Devils oo kulamo aad u badan ciyaaraya maadaama ay dhammaan afartii koob ee ay xilli ciyaareedka ku bilawdeen ku jira ayaa markale ciyaar muhiim ah dheelaya iyagoo markan diiradooda Premier League usoo jeedinaya.Man United waxa ka maqnaan doona Christian Eriksen oo dhaawac mudo dheer ahi dhawaan gaadhay, sidoo kale Scott McTominay iyo Donny Van De Beek.

Warka u fiican tababare Erik Ten Hag ayaa ah inuu daafaca midig ee Diogo Dalot tababarka kusoo laabtay walow aan la filayn inuu kusoo bilawdo ciyaartan.Saxeexa cusub ee Marcel Sabitzer ayaa sidoo kale qayb ka ah safka Man United ee kulankan walow aan la filayn inuu toos shaxda ugu soo bilawdo.

Sidoo kale weeraryahan Wout Weghorst ayaa weerarka kaga soo hormari kara Anthony Martial oo haatan uun dhaawac kasoo laabtay.

Dhinaca Eagles waxa usoo kabtay daafaca dhexe ee Joachim Andersen walow aan la filayn inuu degdeg booska ugala baxo Omar Richards.

Wilfred Zaha ayaa dhaawacii uu qabay isaguna saddex toddobaad oo kale kusii maqnaan doona si lamid ah James McArthur iyo Nathan Ferguson

Shaxaha Macquulka Ah

Man United (4-2-3-1): de Gea; Wan-Bissaka, Varane, Martinez, Shaw; Casemiro, Fred; Antony, Fernandes, Rashford; Weghorst

Crystal Palace  (4-3-3): Guaita; Clyne, Richards, Guehi, Mitchell; Olise, Doucoure, Schlupp; Ayew, Edouard, Eze

Xogta Kulanka

Tartanka: Premier League

Garoonka: Old Trafford

Wakhtiga: 6:00 fiidnimo xilliga geeska Africa

Garsoore: Andre Marriner