Aabaha Lionel Messi oo ka Jawaabay in Wiilkiisa uu ku laabanayo Kooxda Barcelona

Aabaha dhalay Lionel Messi ayaa hoos u dhigay suurtogalnimada uu xiddiga ku guulaysta koobka adduunka ugu soo laabanayo Barcelona xagaaga soo socda hadii uu go’aansado in uu isaga tago kooxda PSG.35-sano jirkaan ayaa qaab ciyaareed wanaagsan ku jira xilli ciyaareedkan Isaga oo dhaliyay ama caawiyay 28 gool 24 kulan oo uu ciyaaray tartamada oo dhan.Inkasta oo uu qaab ciyaareed fiican ku soo bandhigay kooxda PSG hadana wargayska L’Equipe ayaa sheegaya in uu xiddigu wali diidanyahay in uu heshiis cusub u saxiixo kooxda.

Heshiiska Messi ee PSG ayaa dhici doona dhamaadka xilli ciyaareedkan waxana uu markaas qaab xor ah uga tagi karaa hadii uuna heshiis cusub u saxiixin.Messi ayaa lala xidhiidhinayay ku laabashada Barcelona tan ilaa markii uu ka tagay kooxda iyada oo kooxdu marar badan isku dayday in ay dib u soo ceshato.

Laakiin hadda Messi aabihiis Jorge, oo sidoo kale ah wakiilkiisa ayaa meesha ka saaray wararka sheegaya in uu ku laaban karo kooxda Barcelona.“Uma malaynayo in Leo uu mar kale u ciyaari doono Barcelona,’ Jorge ayaa u sheegay wargeyska Sport.

“Shuruudaha lama buuxin. Ma aanan la hadlin [madaxweynaha Barcelona Joan] Laporta, mana jiro wax dalab ah oo miiska saaran”.