Aabaha dhalay khadka dhexe ee kooxda Liverpool ee Stefan Bajcetic oo ka warramay qaabkii ay kooxda ay xifaaltamaan ee Man United uga caawisay saxeexa wiilkisa kooxdiisa.

Aabaha dhalay dheemanka cusub ee khadka dhexe ee kooxda Liverpool ee Stefan Bajcetic ayaa ka warramay qaabkii ay kooxda ay xifaaltamaan ee Man United uga caawisay saxeexa wiilkisa kooxdiisa haatan.Bajcetic ayaa xubin muhiim ah ka noqday xulashada tababare Jurgen Klopp sanadkan 2023 waxaana la filayaa inuu kusoo bilawdo kulanka Champions League ee ay caawa Real Madrid la ballansan yihiin.18 sano jirkaas ayaa sidoo kale deg-deg loogu darayaa xulka qaranka Spain iyadoo tababare Luis de la Fuente ka fikirayo inuu u waco sanadkan 2023 xilli sidoo kale Serbia lala xidhiidhinayo.

Bajcetic ayaa meteli kara Serbia maadaama aabihii halkaas kasoo jeedo, aabaha da’yarkan ayaa usoo ciyaaray kooxda Celta Vigo oo ah kooxda uu kuliyadeeda ku jiray kahor Liverpool.Aabaha Bajcetic ayaa sheegay in Livrepool marka hore ka shakisanayd saxeexa Stefan balse ay degdeg ula saxeexatay markii ay ogaatay in Man United tartankiisa soo gashay.

“Indho indheeyayaal ka socday Liverpool ayaa isaga arkay oo nala soo xidhiidhay, balse Stefan wali caruur ayuu ahaa, xataa 16 sano jir ma dhammayn, muu tagi karayn” ayuu yidhi aabaha Bajcetic.“Liverpool waxay noo sheegtay inaysan la saxeexan karayn kaddib United ayaa nasoo wacday wayna la saxeexan karayeen, Liverpool ayaa ogaatay oo markale nala soo xidhiidhay si ay ula saxeexato.

Bajcetic ayaa noqday xiddiga ugu da’da yar ee abid Champions League ku metela Liverpool kulankii uu bedelka ugu soo galay ciyaar ay Ajax la lahaayeen horraantii xilli ciyaareedka.