Xavi Hernandez oo go’aamiyay inta badan shaxdiisa kulanka uu kahor tagayo kooxda Manchester United

Tababaraha kooxda Barcelona ee Xavi Hernandez ayaa go’aamiyay badi shaxdiisa kulanka uu kahor tagayo kooxda Manchester United habeen dambe marka laga reebo laba boos.Labada kooxood ayaa Camp Nou barbardhac 2-2 ah kusoo galay Camp Nou toddobaadkii hore iyadoo kooxda wareega 16-ka UEFA Europa Leaue u gudbaysa lagu go’aamin doono Old Trafford habeen dambe.Xavi ayaa doonaya inuu isku dheeli tiro shaxaha uu kulamada kaga qayb galayo maadaama kooxdiisu wali saddex koob u tartamayso.

Labaleyda khadka dhexe ee Pedri iyo Gavi ayaa maqnaan doona iyadoo Gavi ganaax qabo halka Pedri ku seegayo dhaawac kulankan si lamid ah garabka weerar ee Ousmane Dembele.Sida lagu sheegay warbixin ka timid wargeyska MARCA, Xavi ayaa kalsooni ku qaba oo xushay sagaal boos oo kamida shaxda uu Old Trafford guusha kaga doonayo balse aan laba boos go’aamin.

Labada boos ayaa kala ah daafaca bidix iyo mid kamida garbaha weerarka, waxa macquul ah in Jordi Alba markale daafaca bidix kusoo bilawdo isagoo kasoo hormaraya Alejandro BaldeDhinaca garabka weerar ayay ku tartami doonaan Ferran Torres iyo Sergi Roberto oo labaduba door fiican ciyaaray kulankii Cadiz ee Axadii.