Xiddig ka tirsan kooxda kubadda cagta Barcelona oo ayay ku tartamayaan toddoba kooxood oo waaweyn oo reer Yurub ah oo mid walba ay doonayso inay Camp Nou kasoo afduubato

Xiddig ka tirsan kooxda kubadda cagta Barcelona ayay ku tartamayaan toddoba kooxood oo waaweyn oo reer Yurub ah oo mid walba ay doonayso inay Camp Nou kasoo afduubato xiddigan oo aan ku qanacsanayn inuu sii joogo kooxdaas, kaddib markii uuka waayay boos joogto ah.

Tababare Xavi Hernandez ayaa inta badan xilli ciyaareedkan ku dhegsan shax si fiican iskula jaan-qaadday, waxaanay taasi dhibaato ku noqotay xiddigo mustaqbal weyn leh oo waayay booskii ay isku muujin lahaayeen.

Mid ka mid ah ciyaartoyda ku dhibaatoonaya Camp Nou ee boos la’aantu ku dhacday waa da’yarka xulka Spain ee Ansu Fati oo ay da’diisu tahay 20 jir, hse yeeshee afar sannadood ka hor jabiyey darbiga kooxda koowaad oo uu noqday ciyaartoygii ugu da’da yaraa ee gool u dhaliya.

Laacibkan ayaa kulamo tiro-yar dheelay xilli-ciyaareedkan, waxaana uu booska cidhiidhsan kari waayey Robert Lewandowski oo weerarka dhexe loo daayey, halka garbahana ay Ousmane Dembele iyo Raphinha ay ka haystaan, waxaanay taasi keentay inuu ka fiirsado mustaqbalkiisa.

Sida ay warbaahinta waddanka Spain sheegtay, Ansu Fati ayaa waxa uu doonayaa inuu iskaga tago Barcelona, sidoo kalena kooxdiisa ay dhibaatada dhaqaale haysato ayaan ku dhegi doonin haddii ay ku hesho lacag fiican.