Benzema Ma Kusoo Bilaaban Doonaa Kulanka Liverpool Ee Caawa? Carlo Ancelotti oosi cad uga hadlay

Macalinka kooxda Real Madrid ee Carlo Ancelotti ayaa si cad uga hadlay haddii Karim Benzema shaxda asaasiga ah kusoo bilaabanayo kulanka adag ee ay Liverpool booqanayaan caawa.Madrid ayaa booqanaysa kooxdii ay kaga guuleysatay labadeedii Final Champions League ee ugu dambeeyay iyadoo markii ugu horreysay mudo dheer kaddib tagaysa Anfield oo taageerayaal joogaan.Ugu horreynba tababaraha Talyaaniga ah ayaa digniin u diray Reds isagoo sheegay inuu doonayo inay Liverpool noqoto kooxda werwersan ee aysan iyagu werwerin.

“Intaas ka badan waxaan ka werwersanahay Madrid, waxaan doonayaa in Madrid werwer galiso in badan Liverpool, waxaanu doonaynaa in iyagu anaga naga werweraan halkii aanu anagu ka werweri lahayn iyaga”.“Liverpool marnaba ma bedelin tayadeedii, waxaanu rajaynaynaa kulan adag, culays badan ayaa na fuulaya kulan aanan heli doonin fursad aanu ku neefsano, si aad u wanaagsan ayaanu u garanaynaa waxaanu rajaynayno diyaar ayaananu u nahay midaas”

Dhinaca kale Ancelotti oo ka hadlay fursada Karim Benzema ayaa si buuxda u xaqiijiyay inuu kusoo bilaabanayo kulanka caawa.“Benzema si wanaagsan ayuu  u muuqdaa, waxaan filayaa inuu kusoo bilaaban doono, aad ayuu u faxsanahay isagu”.