Wararkii Ugu Dambeeyay Suuqa Kala Iibsiga Iyo Wargeysyada Maanta Oo Khamiis Ah 23-ka February

Goolhayaha England Jordan Pickford, 28, ayaa ku dhow inuu qandaraas cusub u saxiixo Everton . (Times – subscription required)Maamulaha Barcelona Xavi ayaa sheegay inuu “xidhiidh joogto ah” la leeyahay weeraryahanka Argentina Lionel Messi, kaasoo heshiiskiisa Paris St-Germain dhacaya xagaaga, iyo in 35-sano jirkaan lagu soo dhaweyn doono “gurigiisa” kooxda Isbaanishka. haduu rabo inuu soo noqdo. (Goal)

Chelsea ayaa iska iibin doonta ciyaaryahanka khadka dhexe ee England Mason Mount xagaaga, markaasoo uu qandaraaskiisa sanad uga harsan yahay, hadii ay ku guuldareystaan ​​inay heshiis cusub ka gaaraan 24-sano jir. (Athletic – subscription required)Arsenal ayaa qarka u saaran inay kula dagaalanto Borussia Dortmund , Newcastle iyo Juventus saxiixa 18 jirka daafaca midig uga ciyaara Real Valladolid ee Ivan Fresneda. (Standard)

Arsenal ayaa sidoo kale wadahadalo heshiis kordhin ah la bilowday 30 jirka khadka dhexe ee Switzerland Granit Xhaka kaas oo doonaya in uu baaqi ku sii ahaado Emirates Stadium. (90 min)Liverpool ayaa xiiso u qabta kooxda RB Leipzig iyo xulka qaranka Croatia ee Josko Gvardiol oo 21 jir ah (Fabrizio Romano).

Daafaca Portugal Joao Cancelo, oo 28 jir ah, ayaa sheegay in amaah uu ugu biiray Bayern Munich ay ahayd fursad uusan diidi karin ka dib markii uu aaminsanaa inuu wax badan ka ciyaaro Manchester City , halka tababare Pep Guardiola uu ku khilaafay. (O Jogo, via Mail)

Daafaca bidix ee Manchester United Luke Shaw, oo 27 jir ah, iyo daafaca midig ee Portugual Diogo Dalot, oo 23 jir ah, ayaa sameeyay wax ku filan si ay heshiis cusub ugu helaan kooxda Old Trafford ku ciyaarta, laakiin tiro ciyaartoy oo kale oo kooxda ah ayaa wajahaya in la iibiyo xagaaga . (Football Transfers)

Wakiilka ciyaaryahanka khadka dhexe ee Austria Marcel Sabitzer ayaa si maldahan u sheegay in 28-sano jirkaan uu sii joogi doono Manchester United wixii ka dambeeya dhamaadka xilli ciyaareedkan ka dib markii uu amaah kaga soo biiray Bayern Munich . (Sport 1 – Germany)

Madaxweynaha Napoli Aurelio de Laurentiis ayaa Manchester United siiyay rajo ah inay la soo wareegaan 24 jirka reer Nigeria Victor Osimhen ka dib markii uu yiri “mararka qaar waxaa jira dalabyo aadan diidi karin”. (MIrror)

Leicester City ayaa laga yaabaa inay isku daydo inay si xor ah xagaaga kula soo wareegto xiddiga khadka dhexe ee Borussia Dortmund Mahmoud Dahoud, oo 27 jir ah. (Leicester Mercury)

Goolhayihii hore ee England Ben Foster, oo 39 jir ah, ayaa sheegay inuusan ka qoomameynin inuu diido fursad uu kaga soo baxo ciyaaraha oo uu ugu saxiixo Newcastle United , kaasoo goolhayaheeda koowaad Nick Pope laga mamnuucay finalka Carabao Cup ee Axadda. (Talksport)

Xiddiga garabka uga ciyaara Newcastle Ryan Fraser ayaa tababar la qaadanaya da’yarta kooxda ee 21 jirada, 28 jirka reer Scotland ayaana la filayaa inuu kooxda ka tago xagaaga. (Mail)