Tababare Weyn Oo Durba Ka Dhaartay Shaqada Chelsea

Kooxda Chelsea ayaan wali kalsoonida kala laaban tababare Graham Potter balse aragtidaas ayaa dhawaan isbedeli karta waana sababta ay haatanba macalin raadin usii galeen.Toddobaadyadii ugu dambeeyay ayuu Potter culays badan wajahayay waxaana uga sii dartay Southampton oo iyadoo booska 20-aad ku jirtay Sabtidii guuldarro ku baday Stamford Bridge.Chelsea ayaa kaliya hal guul gaadhay tobbankeedii kulan ee ugu dambeeyay xilli xiddigaha kooxda taageeerayaashu ku oriyeen.

Iyadoo ay sidaas tahay ayaa la sheegay in mulkiilaha Blues ee Todd Boehly uu raadinayo qorshe labaad iyo tababare uu ku ciiro haddii uu caydhiyo ninka English-ka ah.Sida uu sheegay il-wareedka 90mn, Chelsea ayaa xiiso u muujisay tababarihii hore ee PSG iyo Tottenham ee Mauricio Pochettino balse diiday.

Pochettino ayaan wax shaqo ah haynin tan iyo markii Paris laga caydhiyay dhammaadkii xilli ciyaareedkii hore, Real Madrid ayaa lala xidhiidhinayaa.Chelsea ayaa marka laga yimaado inay booska tobnaad ka joogto kala sarreynta Premier League sidoo kale halis ugu jirta inay wareega 16-ka Champions League kaga hadho sababta Borussia Dortmund oo lugtii hore 1-0 kaga soo adkaatay.