Paul Merson oo saadaaliyay Sadaashiisii toddobaadka ee horyaalka Premier League

Khabiirka kubadda cagta England ee Paul Merson ayaa sidii looga bartay dhiibtay saadaashiisii toddobaadlaha ahayd ee horyaalka Premier League oo usbuucan laga ciyaarayo kulamo uu ugu xiiso badan yahay midka dhex maraya Tottenham iyo Man City.

Aan ku bilawnee kooxda sida weyn isku soo hubaysay ee Chelsea oo la ciyaaraysa dhigeeda ay jaarka yihiin ee Fulham ayuu u rajeeyay inay guul ku gaadhaan Stamford Bridge.Hoggaamiyayaasha horyaalka ee Arsenal ayuu sidoo kale u rajeeyay guul ay kusii dheeraystaan Premier League iyagoo booqanaya kooxda dhibaataysan ee Everton oo tababare Sean Dyche dhawaan loo magacaabay wax xoojin ahna aan ka samayn suuqii January.

Manchester United oo la ballansa dhigeeda Crystal Palace ayuu Merson iyagana siiyay guul ay kusii xejistaan kaalmaha Champions League loogu soo baxo oo ay fadhiyaan.

Paul ayaa markale qalbi jab u saadaaliyay Liverpool oo xilli ciyaareed adag qaadanaysa isagoo qaba inay dhibcaha la qaybsan doonaan Wolves oo ay martiyayaan.

Ugu dambayn, kulanka ay Antonio Conte iyo Pep Guardiola fooda isku dari doonaan ee Tottenham qaabilayso Man City ayuu libinta siiyay Cityzens isagoo ku taageeray inay cadaadiska kusii hayaan Arsenal.

Saadaasha Oo Dhammaystiran

Chelsea 2-0 Fulham

Everton 0-3 Arsenal

Brighton 3-0 Bournemouth

Man United 2-1 Crystal Palace

Brentford 2-0 Southampton

Wolves 1-1 Liverpool

Aston Villa 2-0 Leicester City

Newcastle 0-0 West Ham

Nottingham 1-1 Leeds

Tottenham 1-2 Man City