Hadalkii kasoo Yeeray Todd Boehly ee bandhigii Enzo Fernandez ee Koobkii aduunka ee Qatar ka dhacay.

Waxa shaaca laga qaaday hadalkii kasoo yeedhay mulkiilaha Chelsea ee Todd Boehly kaddib bandhigii Enzo Fernandez ee Koobkii aduunka ee Qatar ka dhacay.

Chelsea ayaa saacadihii ugu dambeeyay suuqa January la saxeexday Fernandez oo Benfica kaga yimid iyagoo u jabiyay rekoodhka suuqa Premier League isla markaana 121 Milyan oo euro kusoo xero-galiyay.22 sano jirkaas ayaa loo magacaabay da’yarkii ugu fiicnaa Koobka aduunka wuxuuna ahaa bartilmaameedka koowaad ee Blues January oo dhan ka lahaayeen.

Chelsea ayaa dhibaatooyin kala soo kulantay doorka khadka dhexe ee ay Fernandez u keensatay iyadoo ay ka dhaawacmeen N’Golo Kante iyo Denis Zakaria isla markaana Jorginho ka iibiyay Arsenal.

Argentina ayaa Finalkii Koobka aduunka rigoorayaal 4-2 ah kaga qaaday xulka France oo ay 3-3 ku kala baxeen 120 daqiiqo.

Sida uu sheegayo saxafiga xog-ogaalka ah ee David Ornstien, Boehly ayaa daawaday kulankaas si gaar ahna ula dhacay ciyaarta Fernandez.

Ornstien ayaa yidhi “Markii uu Enzo garoonka kasoo baxay Finalkii Koobka aduunka, waxaanu maqalnay in Todd Boehly shaqaalaha shaqaalaysiinta Chelsea ku yidhi ‘Ii keena ninkaas”.

“Dabcan way daawanayeen isaga intii Koobka aduunku socday balse waxaan filayaa inay taasi ahayd daqiiqadii uu u cadaaday ka go’aanshahooda saxeexiisu”.