Barcelona oo ka faa’idaysanaysa ganaaxii ku dhacay kooxda ay xafiiltamaan ee Manchester City

Kooxda Barcelona ayaa u muuqata mid ka faa’idaysanaysa haddii uu ganaax ku dhaco dhigeeda Manchester City oo dhawaan maamulka Premier League dambiyo kusoo oogay.Haddii ganaax adag la mariyo City waxa laga jari karaa dhibco halka sidoo kale laga dhaadhicin karo heerka koowaad ee England.

Haddiiba ay dhacdo in Premier League laga dhaadhiciyo ayay qaar badan oo kamida xiddigaha Sky Blues iskaga carari doonaan kooxda iyagoo kooxaha waaweyn ee Yurub u wareegaya.Sida uu sheegayo wargeyska Fichajes ee Spain kasoo baxa, Barcelona ayaa laba kamida xiddigaha Sky Blues sii calaamadsatay.

Xiddigahaas ayaa kala ah khadka dhexe ee Rodri oo bedel u noqon kara kabtan Sergio Busquets oo sii socda iyo weeraryahanka ree Argentina ee Julian Alvarez.Barcelona ayaa mudo dheer isha ku haysay Alvarez oo ay la socotay xataa markii uu ka tirsanaa River Plate kahor imaanshihiisa Etihad Stadium.

Laacib kale oo City ah oo mudo lala xidhiidhinayay Camp Nou ayaa ah khadka dhexe ee Bernardo Silva kaas oo markale isku dayi doona inuu La Liga u jihaysto gudaha sanadkan.