"Meydkeeda waxaa lagu jarjarey miinshaar waxaana lagu kariyey digsi... maxaa dhacay ka dib?"

Abby Choi waxay ahayd Moodel

Digniin: Waxaa laga yaabaa in akhristayaasha qaar ay dhibsadaan sheekada ama sharraxaadda warkan.

Waxay ahayd mid ka mid ah moodellada Instagram-ka, saamayn bulsheedna way lahayd. Waxaa la waaye maalmo ka hor.

Waxay noqon lahayd arrin xanuun badan balse aan amagaag ku reebin dadka, haddii la odhan lahaa medykeeda ayaa la helay. Balse halka laga helay hadhaadigeeda oo ah guri cidlo ah, waxaa sidoo kale yiillay makiinadda hilibka miinshaarta wareegta, wax wajiga la isaga dhigayey finfiniinka, laba digsi oo ah kuwa maraqa lagu sameeyo iyo dubbe. Waxaa sidoo kale halkaasi laga helay hadhaadiga hilib bini aadmi.

Hadhaadiga hilib bini aadmi ayaa sidoo kale laga dhex helay daasad.

Gabadhan sida arxan darrada ah loo dilay waxay ahayd Abby Choi oo 28 jir ahayd, waxayna kasoo jeeddaa Hong Kong, sheekada ruxday aduunka intii maqashay.

Hilbaha Abby Choi waxaa laga dhex helay tallaagad dhex taalay guri xiran oo ku yaal tuulada Lung Mae , oo 27 kilomitir u jirta magaalada loo yaqaan Kowloon oo ah halkii markii u dambeysay lagu arkay gabadha.

Waa tuma Abby Choi?

Abby Choi waxay ahayd 28-jir moodel caan ah, saameeynna ku leh baraha bulshada. Nolosheeda waxaa ka buuxay dhar qurxoon, waxyaabaha la isku qurxiyo, xafladaha iyo bandhigyada moodada. Joornaalka moodellada iyo dadka caanka ah ee Glamour ayaa ahaa qayb ka mid ah hawlaheeda joogtada ah.

Sawiradeeda ayaa lagu arkay galka kore ee majallado badan. Dhawaan, waxaa lagu arkay bandhigga moodada ee shirkadda raaxada ee Dior.

In ka badan boqol kun oo taageere ayay ku leedahay Instagram-ka.

Oggolow Instagram macluumaadka

Macluumaadkan waxaa daabacay Instagram. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri Instagram xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

Qoraalka Muuqaalka,Digniin: BBC macluumaadka ku qoran bog kale masuul kama ahan

Dhammaadka Instagram boggan

Abby waxa ay ka soo jeeddaa qoys ladan. Moodelka oo kali ah lacag kama aanay samayn, balse waalidkeed ayaa sidoo kale ah milyanneerro.

Waxay lahayd afar carruur ah oo ay u kala dhashay laba nin.

Abby marka ay jirtay da'da 18 waxay guursatay Alex Kwang-Kong. Waxay isu dhaleen laba caruur ah guurkan. Laakiin dhowr sano ka dib way kala tageen oo waxay guursatay Tam-chak-kwan. Guurkan dambena laba caruur ah ayey Abby dhashay.

Siday wax u dheceen ?

Abby waxaa la filayey in ay gabdheeda kasoo qaaddo dugsiga taariikhdu markay ahayd 21 kii bishii dhamaatay ee Febraayo. Balse ma aanay aadin iskuulka waayo waxaa la ogaaday in eyba maqan tahay. Markii hore waxaa loo qaatay in la af duubtay.

Baaritaanka booliiska ayaa ku hogaamiyey guri ku yaal tuulada Lung May halkaas oo hadhaageeda laga helay talaajad. Sidoo kale, waxa la arkayay hadhaagii hilibkeeda oo ku dheggan dheriga weyn ee maraqa.

burbur weyn ayaa laga helay qaybta dambe ee madaxa Abby. Booliisku waxay rumaysan yihiin in lagu dilay iyada oo madaxa lagaga dhuftay shay kurtummo leh.

Warbaahinta Shiinaha ayaa sheegtay in la weeraray iyadoo gaari ku dhex jirta.

Booliska ayaa xiray ninkeedii hore Alex Kwang-kong, walaalkiis iyo hooyadiis oo lala xiriirinayo dilka

walaalkiis iyo hooyadiis oo lala xiriirinayo dilka.

XIGASHADA SAWIRKA,SHUTTERSTOCK

Qoraalka sawirka,

Hadhaadiga Abby waxaa laga helay gurigan

Guriga laga helay hadhaaga Abby ayaa sidoo kale daaha laga qaaday inuu kireeyay Abby sodoggeedii hore, Aabiha Kwang-kong.

Alex ma uusan haynin wax shaqo ah. Sida laga soo xigtay booliiska maxalliga ah, qoyskiisa ayaa weli ku tiirsanaa Abby. Dhammaantood waxay ku noolaayeen guri kuwa raxada ah oo Abby leedahay.

Alex ayey boolisku ku raad joogeen isaga oo loo haysto lacag uu khayaameyay. Warbaahinta gudaha ayaa sheegtay in dad badan uu ka dhacay lacag ay ku sheegeen in uu dahab ku maal galinayo ka dibna lacag badan uu soo celinayo. Waxaa kale oo lagu dacweeyay deyn uu bixin waayey.

Alex walaalkii wuxuu darawal ahaan ugu shaqayn jiray Abby. Waxaa soo shaac baxday in uu yahay kii afduubtay ee gaariga saaray.

Alex iyo Abby waxaa ka dhexeeyay muran lacageed. Aragtida ugu horeysa waxaad moodda in uu Alex u dilay sabab hanti la xidhiidha

25-kii Febraayo, booliiska ayaa xiray Alex xilli uu dalka ka dhoofayay. Waxa lagu qabtay qorshe loo dhigay. Doon dheeraysa ayuu ku baxsanayey. Markii la qabtay ayaa waxaa la helay lacag caddaan ah iyo saacado qaali ah oo qiimahoodu gaaraya boqollaal kun oo Rubbi.