Los Blancos oo ay toddoba ciyaartoy ka dhaawacan yihiin, ayaa waxa finalka Sabtida dib ugu soo noqonaya Dani Carvajal oo ay ku dhacday xummad markii uu gaadhay waddanka Morocco ee lagu ciyaarayo tartanka Club World Cup, sidoo kalena Marco Asensio oo dhaawac fudud oo muruqa ah uu kasoo gaadhay ciyaartii Mollorca ayaa isaguna taam u noqonayakulanka Al Hillal ee finalka Club World Cup.
Carlo Ancelotti oo xalay la hadlayay warbaahinta ayaa sheegay, in ay Carvajal iyo Asensio tababarka kusoo laaban doonaan Jimcaha, isla markaana diyaar u noqon doonaan finalka oo Sabtida la ciyaarayo.
Dhinaca kale, Eder Militao iyo Karim Benzema oo dhaawac ah ayaa la sheegay in ay fursad u haystaan in ay ciyaaraan finalka Sabtida, inkasta oo aanu tababare Carlo Ancelotti si buuxda u xaqiijin, halka Thibaut Courtois lagaga tegay magaalada Madrid.
Ancelotti ayaa waxa uu si guud mar ah u sheegay in Karim Benzema uu fiican yahay, balse Eder Militao ay xaaladdiisu yara adag tahay marka loo eego midda Eder Militao balse warar kale ayaa sheegaya in labadooduba ay khatar ku geli karayaan haddii ay ciyaaraan kulanka Al Hillal ee Finalka Sabtida.
Real Madrid ayay dhaawacyo waqtiyo dheer ah kaga maqnaanayaan Lucas Vazquez iyo Ferland Mendy, halka Eden Hazard ay kooxdu qiimaynayso waqtiga suurtogalka ah ee uu soo laaban karo.
0 Comments