Maamulaha khadka dhexe ee kooxda Real Madrid ee Toni Kroos ayay warar cusubi sheegayaan shuruuda uu ku xidhay inuu kusii negaado Santiago Bernabeu.Kroos ayaa dhawaan noqday xiddiga tirada ugu badan kusoo guuleystay Koobka kooxaha aduunka oo uu lix jeer oo kala duwan soo qaaday kaddib guul 5-3 ah oo ay Sabtidii kooxdiisu ka gaadhay Al Hilal.Kroos oo afar sano iyo badh kahor ka fadhiistay xulka Germany ayaa dhawaan qishay suurogalnimada uu gabi ahaanba kubadda cagta kaga hawl-gabi karo.Iyadoo rabitaankiisa ah inuu koox kale ku biiro yar yahay ayaa haddii uu heshiis cusub la meel dhigi waayo Madrid uu da’da 33 sano jir kaga fadhiisan karaa kubadda cagta.
Heshiiska Kroos ee Madrid ayaa xagaaga dhacaya xilli siyaasada kooxdiisu tahay inay heshiis kordhin hal sano ah siiyaan ciyaartoyga 30 sano jir isagoo ka weyn heshiiskiisu dhammaanayo.Sida uu sheegayo wargeyska Todofichajes, shuruuda uu Kroos wato ayaa ah inuu ogaado haddii uu tababare Carlo Ancelotti kooxda sii joogayo xilli ciyaareedka dambe.
Ancelotti ayaa muujiyay inuusan doonayn inuu kooxda ka tago balse arrimaha ayaa isbedeli kara haddii ay ku fashilmaan koobabka La Liga, Champions League iyo Copa Del Rey.
Kroos ayaa doonaya inuu kooxda boos joogto ah kasii haysto, magacaabista tababare cusub ayaa sababi karta inuu keyd noqdo.
0 Comments