Kooxda reer France ee Paris Saint-Germain ayaa dharbaaxo culus la kulantay ka hor kulanka soo socda ee ay la ciyaari doonto kooxda Bayern Munich ee tartanka champions League.Paris Saint-Germain ayaa Salaadada soo socota la kulmi doonta Bayern Munich lugta hore ee wareega 16ka Champions League.Xiddiga reer Argentine, Lionel Messi, ayaa ku dhaawacmay ciyaartii Paris Saint-Germain ay la ciyaareen Marseille ee koobka French Cup Arbacada.Sida laga soo xigtay wargeyska “L’Equipe” ee ka soo baxa dalka Faransiiska, Messi ayuu dhaawac ka soo gaaray muruqa intii ay socotay ciyaarta, taasoo la macno in uu shaki ku jiro taam ahaanshihiisa kulanka Bayern.
“L’Equipe” ayaa tilmaamtay in xiddiga reer Argentine uu seegi doono kulanka Monaco ee horyaalka France ee soo socota sabab la xidhiidha dhaawaca soo gaadhay.Marka laga yimaado xogta ay qortay L’Equipe, Le Parisien ayaa sheegtay in Messi uu wali door ka ciyaari karo kulanka Champions League ee Salaasada soo socota.
0 Comments