Howlgal lagu soo qab qabtay Kooxo Burcad ah & Ciyaal weero oo laga sameeyay Muqdisho

Ciidamada Hay’adda Nabadsugida iyo Sirdoonka Qaranka ee Soomaaliya gaar ahaan kuwa hubeysan ee Duufaan & Ciidamada Booliska ayaa xalay holwgallo dad farabadan lagu qabqabtay waxaa ay ka sameeyeen Xaafado katirsan degmada Kaaraan ee Gobolkan Banaadir, halkaas oo maalmihii la soo dhaafay ay falal amni darro ka dhacayeen.

Ciidamada oo watay Gaadiidka dagaalka iyo hubka noocyadiisa kala duwan ayaa intii ay howlgalka kujireen beegsaday guryo lagu tuhmayay inay ku sugan yihiin Kooxo Ciyaal weero ah, isla markaana  Ciidamada ay gacanta kuso dhigeen Kooxo burcad ah iyo dhalinyaro katirsan Ciyaal weerada.Taliyaha Ciidamada Hay’adda Nabadsugida iyo Sirdoonka Gobolka Banaadir Muxudiin warbac oo howlgalka qeybka ahaa ayaa kormeeray Goobaha ay howlgallada ka socdeen, isaga oo Ciidamada ku bogaadiyay xaqiijinta amniga.

Howlgalkaan Ciidamada Hay’adda Nabadsugida iyo Sirdoonka Qaranka ee Soomaaliya gaar ahaan kuwa hubeysan ee Duufaan & Ciidamada Booliska ka sameeyeen degmada Kaaraan ayaa waxaa uu ka dambeeyay kadib markii cabasho ay ka timid qaar kamid ah Shacabka oo ka cabanayay Kooxo burcad ah oo dhac u geysanayay iyo Ciyaal weero.