HORDHAC: Real Madrid v Al Hilal – Club World Cup Final, Wararka Labada Koox iyo shaxda Macquulka

Kooxda Real Madrid ayaa caawa dalka Morocco kula ciyaaraysa Finalka tartanka Koobka kooxaha aduunka dhigeeda Al Hilal oo Saudi Arabia iyo guud ahaan qaarada Asia metelaysa.Madrid ayaa wareegii hore ee afar dhammaadka kusoo dhaaftay kooxda Africa iyo dalka Masar ka socotay ee Al Ahly halka Al Hilal ay soo dhaaftay kooxda South America ka socotay ee Flamengo.Real Madrid waxa dhaawacyo kaga maqnaan doona Ferland Mendy, Eden Hazard, Lucas Vazquez, iyo Thibaut Courtois balse waxa soo kabtay Eder Militao iyo Karim Benzema oo afar dhammaadkii seegay.

David Alaba ayay macquul tahay inuu daafaca bidix kusoo bilawdo ciyaartan isagoo Camavinga meesha ka saaraya maadaama Nacho daafaca dhexe kusoo laabanayo oo Dani Carvajal kusoo bilaabanayo daafaca midig.Andriy Lunin ayaa markale goolka ka bedelaya Courtois, Kroos, Modric iyo Tchouameni ayaa lagu wadaa inay khadka dhexe dheelaan halka Valverde weerarka kala qayb qaadanayo Rodrygo iyo Vinicius.

Al Hilal waxa ganaax uga soo laabanaya Mohamed Kanno balse wuxuu shaki ku jiraa taam ahaanshaha garabka weerar ee Andre Carrillo.

Shaxaha Macquulka Ah

Real Madrid (4-3-3): Lunin; Carvajal, Nacho, Rudiger, Alaba; Kroos, Tchouameni, Modric; Valverde, Rodrygo, Vinicius Jr.

Al Hilal (4-2-3-1): Al-Mayouf; Abdulhamid, Jang, Albulayhi, K.Al-Dawsari; Kanno, Cuellar; Marega, Vietto, Aldawsari; Ighalo

Xogta Kulanka

Tartanka: Club World Cup

Wakhtiga: 10:00 habeenimo xilliga geeska Africa

Garsoore: Anthony Taylor (England)

Garoonka: Prince Moulley Abdellah Stadium