HORDHAC: Newcastle v Liverpool –Horyaalka premeir League Wararka Labada Koox iyo Shaxda Macquulka

Liverpool ayaa caawa booqanaysa kooxda booska afraad ee Newcastle United kulan aad muhiim ugu ah kaalmaha afarta sarre ee Premier League.Reds ayaa haatan leh 32 dhibcood kaddib 21 kulan halka Magpies leeyihiin 41 dhibcood kaddib 22 kulan, guul ay caawa Liverpool gaadho ayaa kusoo celin karta rajada kaalmaha Champions League loogu soo baxo.

Wararka Labada Kooxood Ee Kulanka Kahor

Newcastle waxa dhaawacyo kaga maqnaan doona Javier Manquillo, Matt Targett, Emil Krafth, iyo Joe Willock halka uu ka ganaaxan yahay Bruno Guimaraes.

Saxeexii January ee Anthony Gordon ayaa weerarka kusoo bilaaban kara isagoo ka garab dheelaya Saint-Maximin iyo Alexander Isak.

Liverpool ayaa dhinaceeda waayaysa xiddigaha kala ah Thiago Alcantara, Luis Diaz, Arthur Melo, iyo Ibrahima Konate.

Van Dijk ayaa daafaca dhexe kula soo bilaaban kara Matip halka da’yarka wacdaraha dhigaya ee Bajcetic uu khadka dhexe kala dheeli doono Fabinho iyo Henderson.

Cody Gakpo oo goolkiisii koowaad kulankii hore ka dhaliyay Everton ayaa markale weerarka kala soo muuqan doona Darwin Nunez iyo Mohamed Salah.

Shaxaha Macquulka Ah

Newcastle United (4-3-3): Pope; Trippier, Schar, Botman, Burn; Almiron, Longstaff, Joelinton; Saint-Maximin, Isak, Gordon

Liverpool (4-3-3): Alisson; Alexander-Arnold, Matip, Van Dijk, Robertson; Henderson, Fabinho, Bajcetic; Salah, Gakpo, Nunez

Xogta Kulanka

Tartanka: Premier League

Garoonka: St James’ Park

Wakhtiga: 8:30 habeenimo xilliga geeska Africa

Garsoore: Anthony Taylor