Faah-faahino ka soo baxaya weerar ka dhacay deegaanka Baarsanguuni

KISMAAYO (ayaanle24) – Faahfaahino dheeraad ah ayaa waxaa laga helayaa khasaaraha ka dhashay weerar culus oo ay maanta Al-Shabaab ku qaadeen saldhig ciidan oo ku yaalla deegaanka Baarsanguuni ee gobolka Jubbada Hoose.

 

Weerarka ayaa waxaa xigay dagaal toos ah oo u dhexeeyay ciidamada dowladda, kuwa Jubbaland iyo raggii weerarka qaaday, kaas oo geystay khasaare kala duwan.

Saraakiisha ciidamada dowladda oo ka hadlay dagaalkan ayaa waxa ay shaaciyeen inay ka hortageen weerarka Al-Shabaab, ayna khasaare gaarsiiyeen.Sidoo kale waxa ay tilmaameen in gaadiid ay Al-Shabaab uga gubeen dagaalka ka dhacay deegaanka Baarsanguuni oo hoostaha magaalada KismaayoDhanka kale Al-Shabaab ayaa iyadana guullo ka sheegatay dagaalka ka dhacay halkaasi, waxayna shaacisay in askar badan ay dishay, kuwa kalena ay dhaawacday.

Maalmihii u dambeeyay waxaa gobollada Jubbooyinka ka socday dhaq-dhaqaaqyo ka dhan ah Al-Shabaabka ku sugan labadaas gobol oo dhaca koonfurta Soomaaliya.