Iran oo ka hortagtay Weerar loo adeegsaday Diyaaradaha Drones-ka

Wasaaradda Difaaca ee Jamhuuriyadda Islaamka ee Iran waxay maanta shaacisay in la faahiliyey Weerar Diyaaradaha Drones-ka Hubeysan ku beegsan lahaayeen Wershad lagu farsameeyo Hubka oo ku taalla magaalladda Isfahan ee Bartamaha dalkaasi.

Qoraal ka soo baxay Wasaaradda difaaca Iran ayaa lagu sheegay inay Waaberigii hore ee shalay oo Axad ahayd ka hortageen Saddex Diyaarado Drones ah loo adeegsaday Weerarkaasi, inkastoo aan la sheegin halka laga lahaa Diyaaradahaasi.

Wakaallada Wararka Jamhuuriyadda Islaamka Iran ee Islamic Republic News Agency (IRNA) ayaa baahisay inay Nidaamka Difaaca ee dhex yaalla Wershadda Hubka ay mid ka mid ah soo rideen, halka 2-da kale Hawada lagu qarxiyey.

Wakaallada Wararka IRNA waxay sheegtay in Weerarka Diyaaradaha Drones-ka fashiliyey uu dhacay Saqdii Dhexe ee Habeen hore (Sabti), mana jiraan wax khasaaro oo ka dhashay Diyaaradahaasi, marka laga reebo burbur Fudud oo soo gaaray Saqafka Sare ee Dhismaha Werahadda Hubka.

“ILAAH aya mahad leh, weerarkaasi wax khasaaro ah oo lagu carqaladeeyey Qalabka iyo Hawlgallada ka socday gudaha Wershadda Hubka ee lala maganaa DuqeymahaDrones-ka” ayaa lagu soo gunaanaday Qoraalka ka soo baxay Wasaaradda Difaaca ee dalka Iran.