WAR DEG DEG: Isku Aadka Wareega Sideed Dhamaadka FA Cup Oo La Soo Saaray

Waxaa si rasmi ah loo soo saaray isku aadka wareega sideed dhamaadka FA Cup iyadoo tababare Vincent Kompany uu kooxdiisa Burnley u kaxeyn doono garoonkiisii hore ee Etihad Stadium madaama ay ku dhaceen kooxda Manchester City.

Dhinaca kale Maanchester United waxay garoonkeeda ku martigelin doontaa kooxda kale ee dhibka badan ee Fulham.

Man United waxay guul soo laabasho cajiib ah caawa ka gaartay West Ham United, iyagoo seddex gool ku bedelay gool looga hormaray.

Man United oo ku guuleysatay Carabao Cup ayaa haatan tartan adag ugu jirta inay soo kale soo xerogeliso koobka ugu faca weyn kubada cagta.

Brighton waxay martigelin doontaa kooxda heerka afaraad ee Grimsby.

Kooxda Grimsby ayaa sameysay lama filaankii ugu weynaa caawa iyagoo 2-1 ku reebay kooxda Southampton.

Halka kooxaha heerka labaad ee Sheffield United iyo Blackburn ay isku aadeen.

Sheffield United waxay iyadana caawa soo reebtay Tottenham oo ay 1-0 kaga soo badiyeen.

Isku Aadka Dhameystiran Ee Wareega 8da FA Cup

• Manchester City vs Burnley
• Manchester United vs Fulham
• Brighton vs Grimsby Town
• Sheffield United vs Blackburn