Diyaarada aan duuliyaha lahayn ee MQ-9 Reaper ayaa ku dhacday biyaha Talaadadii.
Maraykanku waxa uu sheegay in uu soo riday diyaaradii burburtay ee aan duuliyaha lahayn,ka dib markii ay noqotay "aan duuli karin" markii diyaarad Ruushku leeyahay ay googooysay soo-saareheedii - laakiin Moscow waa ay diiday sheegashadaas.
Isagoo ka hadlayay telefishinka qaranka, xoghayaha golaha ammaanka ee Ruushka Nikolai Patrushev ayaa xaqiijiyay in Moscow ay isku dayday inay hesho diyaaradda.
"Ma garanayo in aan dib u soo ceshan karno iyo in kale laakiin waa in la sameeyaa," Mr Patrushev ayaa yiri.
Waxa uu sidoo kale sheegay in joogitaanka diyaaradda Drone-ka ee Badda Madow ay “xaqiijiyaan” in Mareykanka uu si toos ah ugu lug leeyahay dagaalka.
Sarkaal sare oo ka tirsan Washington, John Kirby, ayaa sheegay in Maraykanku uu sidoo kale baadigoobayo diyaaradda, laakiin wuxuu ku nuuxnuuxsaday in haddii Ruushku ku garaaco, "awoodda ay uga faa'iideysan karaan sirta waxtarka leh ay aad u yareyn doonto".
Fariintaas waxaa ku celiyay General Mark Milley, oo ah jeneraal sare oo militariga Mareykanka ah, kaasoo sheegay in Mareykanku uu qaaday "tallaabooyin lagu yareynayo" si loo hubiyo inaysan jirin wax qiimo ah oo ku saabsan diyaaradii la soo riday.
Waxa uu sheegay in ay adag tahay in la soo saaro diyaaradaasi, isaga oo xusay in biyaha ay ku dhacday ay ahaayeen meel u dhaxaysa 4,000ft ilaa 5,000ft (1,200m ilaa 1,500m).
Saraakiisha ciidamada Mareykanka ayaa sheegay in shilkan uu dhacay subaxnimadii Talaadada, iska horimaadkuna uu socday ku dhawaad 30-40 daqiiqo.
War qoraal ah oo uu soo saaray Mareykanka ayuu ku sheegay in diyaaradaha Ruushka ay dhowr jeer shidaal ku daadiyeen diyaaradda aan duuliyaha lahayn ka hor inta aysan isku dhicin.
Afhayeenka Pentagon-ka Brig Gen Pat Ryder ayaa saxaafada u sheegay in diyaarada aan duuliyaha lahayn ay tahay mid aan duuli karin oo aan la xakameyn karin, isaga oo intaa ku daray in isku dhacu uu sidoo kale waxyeelo u geystay diyaarada Ruushka.
Ruushka ayaa beeniyay in labada diyaaradood ee Su-27 ay wax xiriir ah la sameeyeen diyaaradaha aan duuliyaha lahayn ee Mareykanka.
Wasaaradda difaaca ee Ruushka ayaa sheegtay in diyaarada aan duuliyaha lahayn ee Drone-ka ah ay soo dhacday ka dib markii ay “dhaqdhaqaaq xoogan sameeyeen”, waxaana la damiyay diyaarada oo ay la socdeen gaadiidleyda (qalabka isgaarsiinta).
Xoghayaha Difaaca Mareykanka, Lloyd Austin, ayaa xaqiijiyay inuu la hadlay dhiggiisa Ruushka, Sergei Shoigu, maalin ka dib markii la soo riday diyaaradaasi.
Bayaan ay soo saartay teleefoonka kadib, wasaaradda difaaca ee Ruushka ayaa sheegtay in Mr Shoigu uu ku eedeeyay dhacdada "kordhinta dhaqdhaqaaqyada sahan ee ka dhanka ah danaha Federaalka Ruushka". Waxa ay sidoo kale ugu yeertay duullimaadyada aan duuliyaha lahayn ee Mareykanka ee ka dhacaya xeebaha Crimea “daandaansi”.
Burburka diyaaradda Drone-ka Mareykanka ayaa ah daqiiqad ay ka buuxan khatar
Maraykanka iyo UK ayaa hore u maray dadaal aan caadi ahayn si ay u soo kabtaan tignoolajiyadooda shilalka kadib.
Waxa ay burburka diyaaradooda dagaalka ee F-35 ka soo saareen gunta hoose ee badda Koonfurta Shiinaha kadib markii ay degtay.
Laakiin wejigeeda, Pentagon-ka ayaa u muuqda mid aad uga nastay luminta diyaarad Drone ah oo Reaper ah. Waa tignoolajiyada hore oo tiro badan ayaa hore u luntay.
Iyo in la isku dayo in lagu soo ceshado diyaarada aan duuliyaha lahayn ee lagu soo riday biyaha qoto dheer, ee ku xigta aag dagaal, iyadoo maraakiibta Ruushka iyo kuwa badda hoostooda ay ilaalinayaan, waxay keeni kartaa khataro aad u weyn oo sii kordhaya.
Xiisada ayaa ka taagneyd badda madow tan iyo markii Ruushka uu qabsaday gobolka Crimea ee u dhow 2014-kii.
Tan iyo markii uu Ruushku si buuxda u galay Ukraine, Maraykanka iyo UK waxay kordhiyeen duulimaadyada ilaalinta, inkastoo ay had iyo jeer ka shaqeeyaan hawada caalamiga ah.
Reaper-ka lumay ayaa laga yaabaa inuu sitay boodh ilaalin awood u leh inuu nuugo xogta elektarooniga ah sida qiiqa raadaarka.
Waaxda Difaaca Mareykanka ayaa war-saxaafadeed ay soo saartay ku sheegtay in safarrada ilaalinta loo isticmaalo in lagu ururiyo macluumaadka ka caawinaya hagaajinta ammaanka Yurub iyo taageeridda "saaxiibada xulafada la ah".
Maraykanka ayaa la sheegay in uu hore ula wadaagay sirdoonka Ukraine, oo ay ku jirto in laga caawiyo in uu ku quusiyo markab Ruushku leeyahay oo marayay Badda Madow.
Diyaaradaha aan duuliyaha lahayn ee loo yaqaan Drones-ka ayaa ah kuwa ilaalo ah oo leh ballac 20m (66ft) ah
Wasiirka arrimaha dibadda ee Ukraine ayaa weriyaha BBC-da James Landale u sheegay in dhacdooyinka ay ka mid yihiin soo rididda diyaarad aan duuliye lahayn oo Maraykanku leeyahay oo ku soo dhacday badda madow ay tahay lama huraan ilaa Ruushku ka baxo Crimea.
Dmytro Kuleba oo arrintan ku tilmaamay “dhacdo caadi ah” waxa uu yidhi: “Ilaa inta uu Ruushku gacanta ku hayo Crimea, dhacdooyinka noocaan ah waxa ay noqonayaan kuwo lama huraan ah, badda madowna ma noqon doonto meel ammaan ah.
Ruushka ayaa Crimea ku daray 2014-kii, laakiin inta badan waddamadu waxay weli u aqoonsan yihiin qayb ka mid ah Ukraine.
BBC-da ayaa weydiisay Mr Kuleba, haddii, ka dib dhacdadii diyaaradda aan duuliyaha lahayn, laga yaabo in Mareykanka iyo xulafada kale ay aad uga taxadaraan.
"Haddii reer galbeedku rabaan inay muujiyaan daciifnimadooda, waa inay muujiyaan taxadarkooda ka dib dhacdadan oo kale, laakiin ma qabo dareen ah in tani ay tahay niyadda caasimadaha," ayuu ku jawaabay.
"Niyaddu maaha inay sii korodho laakiin sidoo kale maaha niyadda in lagu tiirsado cadaadiska - cadaadiska jireed ama hadalka - ee Ruushka."
Xoghayaha Difaaca Mareykanka Lloyd Austin ayaa wacad ku maray in militarigu "ay sii wadi doonaan duulimaadka iyo howlgalada" meel kasta oo sharciga caalamiga ah uu ogolaado.
Burburka diyaaradda Drone-ka Mareykanka ayaa ah daqiiqad ay ka buuxan khatar
Ka dib markii looga yeeray inuu la hadlo saraakiisha Washington, danjiraha Ruushka Anatoly Antonov ayaa sheegay in Moscow ay u aragtay dhacdada Drone-ka mid "daandaansi".
Marka laga eego dhinaca Kremlin-ka Mr Antonov waxa uu intaa ku daray: "Dhaqdhaqaaqa aan la aqbali karin ee ciidamada Maraykanku ka wadaan meel u dhow xudduudkeenna waa arrin walaac leh."
Arbacadii, afhayeenka Kremlin-ka Dmitry Peskov weriyeyaasha ma jirin xiriir heer sare ah oo dhexmaray Moscow iyo Washington oo ku saabsan dhacdada.
Laakiin waxa uu sheegay in Ruushku aanu marnaba diidi doonin in uu galo wada hadal wax ku ool ah.
0 Comments