HORDHAC: Mallorca v Real Madrid-ee Horyaalka La Liga, Wararka Labada Koox iyo shaxda Macquulka

Kooxda difaacanaysa horyaalka La Liga ee Real Madrid ayaa u safraysa jasiirada Balearic si ay ula soo ciyaarto dhigeeda Mallorca.

Los Blancos ayaa ka warqaba sida aysan markale u siiban karin maadaama ay haatanba Barcelona shan dhibcood kaga qabatay hoggaanka.

Wararka Labada Kooxood Ee Kulanka Kahor

Kooxda tababare Javier Aguirre ayaan is-ilaawi karin maadaama ay kaliya lix dhibcood ka sarreyso kaalmaha horyaalka lagaga dhaadhaco halka ay sidoo kale kaliya afar dhibcood u jiraan kooxda booska toddobaad ee Rayo Vallecano.

Tababare Aguirre ayuu werwerkiisa ugu weyni yahay goolal la’aan maadaama ay kaliya 15 gool kusoo dhaliyeen 19 kulan balse sidoo kale waxa farxad u ah daafaciisa xoogan oo kaliya 18 gool laga dhaliyay 19 kulan.

Real Madrid waxa dhinaceeda ka maqnaan doona Karim Benzema iyo Eder Militao oo dhaawacmay kulankii hore si lamid ah Lucas Vazquez iyo Ferland Mendy.

Waxa shaki ku jiraa taam ahaanshaha Toni Kroos balse macalin Carlo Ancelotti ayaa sheegay soo laabashada daafaca dhexe ee David Alaba.

Rodrygo ayaa doorka weerarka dhexe ka ciyaari doona isagoo buuxinaya booska Karim Benzema halka Dani Ceballos oo boos joogto ah helay khadka dhexe kala soo muuqan karo Luka Modric iyo Tchouameni oo mudo uu maqnaa kaddib kusoo bilaaban kara.

Shaxaha Macquulka Ah

Mallorca (3-4-3): Rajkovic; Nastasic, Raillo, Valjent; Maffeo, Galarreta, Sanchez, Costa; Kadewere, Muriqi, Lee

Real Madrid (4-3-3): Courtois; Carvajal, Nacho, Rudiger, Alaba; Ceballos, Tchouameni, Modric; Asensio, Rodrygo, Vinicius Jr.

Xogta Kulanka

Tartanka: La Liga

Garsoore: Alejandro Hernandez

Wakhtiga: 4:00 galabnimo xilliga geeska Africa

Garoonka: Estadio Mallorca San Moix