Dareenka xiddigaha Man United ka qabaan in kooxda lagu soo celiyo da’yarka weerarka ee Mason Greenwood oo arrimo kufsi loo haystay oo La shaaciyay

Waxa daboolka laga qaaday dareenka xiddigaha Man United ka qabaan in kooxda lagu soo celiyo da’yarka weerarka ee Mason Greenwood oo arrimo kufsi loo haystay.21 sano jirkaas ayaa dhawaan laga laalay kiis kufsi oo loo haystay balse wali kooxda ayaa baadhitaan iyada u gaar ah wada maadaama ay caddaymo badani jireen.

Manchester ayaa go’aamin doonta haddii ay Mason Greenwood kusoo celinayso safkeeda iyo haddii kale iyadoo go’aankaasi mid weyn oo sumcad ahaan saamaynaya noqon doono.

Sida uu haatan sheegayo wargeyska The Sun, xiddigaha Man United ayaan doonayn in Greenwood dib ugu soo laabto kooxda.

Wargeyska ayaa sababta ku sheegay inuu saamayn karo dareenka wanaagsan ee kooxda ka dhex jira iyo wakhtiga fiican ee ay ku naaloonayaan.

Erik Ten Hag ayaa walow uu dhibaatooyin badan oo ay kamid ahaayeen midii Cristiano Ronaldo iyo midan Greenwood la tacaalay haddana booska saddexaad haatan ku haya Red Devils.

Man United ayaa kaliya hal guuldarro soo gaadhay tan iyo bishii November, Greenwood heshiiska uu kooxda ku joogo ayaa ilaa 2025 gaadhsiisan.