Dad ka careysan dilkii ay geysteen Ciidanka ATMIS oo xirtay Isgoyska Ceelgaabta & bannaanbax ka socda

Ciidamo katirsan kuwa howlgalka ATMIS ayaa dil ugu geystay Isgoska Ceelgaabta ee degmada Xamarjajab Wiil Dhalinyaro ah, kaas oo kamid ahaa Ciyaalka darbi jiifka ee Koolada caba

Askarta ayaa ilaa laba xabadood ku dhuftay Wiilka dhalinyarada, waxaana muddo saacad ku dhow oo uu yaallay Goobta uu u geeriyooday dhaawac kasoo gaaray xabad ay Ciidamada ku dhufteen.

Ciidamada dowladda ee ku sugan Koontoroolka laga galo Madaxtooyada ee Ceelgaabta ayaa u diiday Gaadiidka ay wataan Ciidamada ATMIS ee Wiilka Dhalinyarada ah dilay inay ka gudbaan, iyada oo intaas kadib dad ka careysan dilka ay bannaanbax dhigeen.